Ma mamm gaezh, en noz all 'neus graet glav hag avel.
»Ar c'hentañ a viz Mae 'zo hirie, ma bugel.«

Ma mamm, war ar menez² e strake al luc'hed.
»E-krec'h, ma bugel kaezh, e oa sorserezed.«

Sorserezed, ma mamm, ne c'houlan ket gwelet.
»Ma bugel, meur a wech se 'zo bet c'hoarve'et.«

Sorserezed a zo, ma mamm, en hor c'hêrig?
»Tostoc'h ouzhit ivez, e gwir, ma bugelig.«

War betra, ma mamm gaezh, e savont d'an uhel?
»Moged ar stoub devet o doug aes, ma bugel.«

Penaos 'ta e nijont, ma mamm, d'an abadenn?
»A-c'haoliad, ma bugel, war un troad-skubellenn.«

Skubellennoù, ma mamm, a oa kalz er bourk dec'h.
»Kalz a sorserezed a oa ivez e-krec'h.«

Dec'h, 'barzh ar chiminal, ma mamm, e oa moged.
»Stoub a oa bet lakaet, ma bugel, en oaled.«

Da skubellenn, ma mamm, n'oa ket en noz er gêr.
»War ar menez e oa, ma bugel, se zo sklaer.«

Ma mamm gaezh, da wele 'oa goullo en noz all.
»Da vamm, war ar menez, oa ivez o c'hedal.«